گگومنڈی: خون سفید ہو گیا، بیٹی نے تعلقات میں رکاوٹ پر باپ قتل کرا دیا 

گگو منڈی (نامہ نگار) خون سفیدہوگیا، بیٹی نے تعلقات میں رکاوٹ بننے والے باپ کو قتل کروا کر ڈکیتی کا رنگ دے دیا۔ شک گزرنے پر پولیس نے سعدیہ اور اس کے عاشق وسیم گلزار کو گرفتارکر کے آلہ قتل برآمد کر لیا۔ گزشتہ دنوں تھانہ فتح شاہ کی حدود میں چک نمبر 465۔ای بی کے نزدیک نامعلوم ملزم نے فائرنگ کر کے امیر علی نامی دیہاتی کو قتل کر دیا تھا۔ مقتول کی بیٹی سعدیہ نے وقوعہ کوڈکیتی کی واردات قراردے دیا تھا۔ پولیس نے شک گزرنے پر مقتول امیر علی کی بیٹی سعدیہ کو گرفتارکر کے تفتیش کی تو اس نے بتایا کہ میں وسیم گلزار نامی نوجوان سے پیار کرتی ہوں جبکہ میرا باپ میرے پیار میں رکاوٹ بن رہا تھا، پولیس نے وسیم گلزار کو گرفتارکر کے آلہ قتل برآمدکر لیا ہے۔ پولیس کے مطابق سعدیہ اپنے آشنا وسیم گلزار کو وقوعہ کے روز اپنے باپ کی نقل و حرکت کی مخبری کرتی رہی اور ملزم وسیم گلزار نے تعاقب کر کے امیر علی کو فائرنگ کر کے قتل کر دیا تھا۔