فاروق آباد: وین‘ ٹریکٹر ٹرالی میں تصادم‘ 4 جاں بحق‘ 7 زخمی

شیخوپورہ + فاروق آباد (نمائندہ خصوصی+ نامہ نگار خصوصی) فاروق آباد مانانوالہ‘ لاگر روڈ موضع باہڑ کے قریب مسافر وین اور ٹریکٹر ٹرالی میں تصادم کے نتیجے میں 4 افراد جاں بحق‘ 7 زخمی ہو گئے۔ ریسکیو  1122 نے زخمیوں کو ہسپتال منتقل کردیا ہے۔ حادثہ تیز رفتاری کے باعث ہوا۔ فاروق آباد پولیس نے مقدمہ درج کر لیا ہے۔ مسافر وین فاروق آباد سے مانانوالہ جارہی تھی کہ گاؤں باہڑ کے قریب مونجی کی بوریاں سے لدی ٹریکٹر سے ٹکرا گئی۔ جاں بحق افراد میں  50 سالہ اکمل، 35 سالہ سخاوت، 25 سالہ زین اور 3 سالہ مناف، زخمیوں میں زبیدہ بی بی، اسلم، افشاں، مہوش، یاسر، شائستہ، شہباز شامل ہیں۔