طالبان نے صوبہ زائل میں امریکی چینوک ہیلی کاپٹر مار گرایا

کابل (اے پی پی) طالبان نے افغانستان کے جنوبی صوبے زابل میں امریکی چینوک ہیلی کاپٹر سی ایچ۔74 گرانے کا دعویٰ کیا ہے۔ طالبان کا کہنا ہے کہ ہیلی کاپٹر میں سوار تمام افراد ہلاک ہو گئے۔ ایرانی ٹی وی رپورٹ کے مطابق طالبان کے ترجمان نے دعویٰ کیا ہے کہ جنگجوﺅں نے سوموار کی دوپہر افغانستان کے جنوبی صوبے زابل میں سی ایچ۔47 فوجی ٹرانسپورٹ ہیلی کاپٹر کو نشانہ بنایا۔ ایساف ترجمان نے اس واقعہ پر تبصرہ سے گریز کیا ہے۔ ادھر برطانیہ نے افغانستان میں اپنی فوج کے مترجم رفیع ہوتک کی سیاسی پناہ کی درخواست مسترد کر دی۔ یوکے بارڈر ایجنسی کے ترجمان نے کہا وہ یہ ثابت کرنے میں ناکام رہے کہ بطور مترجم افغانستان میں کام کرتے رہے ہیں۔اے پی پی کیمطابق افغانستان میں بم دھماکہ میں امریکی فوجی ہلاک ہو گیا۔