کراچی : شا ہ زیب کے بااثر قاتل شاہ رُخ جتوئی کو جیل میں آرام دہ پلنگ ، روم کولر صوفہ، ٹی وی سمیت تمام آسائشیں فراہم

کراچی ( نیٹ نیوز)نوجوان شاہ زیب قتل کیس میں موت کی سز ا پانے والے شاہ رخ جتوئی کو مبینہ طور پر بھاری پیسوں کے عوض جیل میں تمام آسائشیں فراہم کر دی گئیں ۔ ایک نجی ٹی وی کے پروگرام میں گذشتہ روز ایک فوٹیج دکھائی گئی ہے جس میں دیکھا جا سکتا ہے کہ ڈیفنس میں نوجوان شاہ زیب کو قتل کرنے والے سزائے موت کے منتظر قیدی شاہ رخ جتوئی کو جیل میں آرام دہ پلنگ ، روم کولر ، واٹر فین ، لگژری صوفہ سیٹ ، ایل ای ڈی ٹی وی ، ڈبو ، فٹبال گیم اور دیگر آسائشیں فراہم کی گئی ہیں ۔ جیل ذرائع نے بتایا کہ شاہ رخ کے بیرک میں اے سی بھی فراہم کیا گیا تھا جبکہ بیرک کے عقبی حصے میں قیدیوں کو مشقت پر لگا کر سوئمنگ پول بھی بنا دیا گیا تھا جو کافی عرصے تک موجود رہا۔ تاہم عدالت کی جانب سے سختی اور جج صاحبان کے آئے روز کے دوروں کی وجہ سے اے سی نکال دیا گیا جبکہ سوئمنگ پول میں مٹی ڈال کر بند کر دیا گیا ۔ اس کے علاوہ شاہ کو جیل میں ڈرائیور بھی فراہم کیا گیا ہے جو اس کا ذاتی قریبی ملازم بھی بتایا جاتا ہے ۔
شاہ زیب / قتل