اداکار ندیم بیگ کا دورہ پاکستان ٹیلی ویژن لاہور مرکز 

لاہور (کلچرل رپورٹر)ملک کے مایہ ناز فلمسٹار اور لیجنڈ اداکار ندیم بیگ نے پاکستان ٹیلی ویژن لاہور کا دورہ کیا اور جنرل منیجر فیاض احمد وڑائچ سے ملاقات کی۔، شہرہ آفاق پنجابی فلم مولا جٹ کے پروڈیوسر سرور بھٹی بھی موجود تھے۔اداکار ندیم بیگ نے پی ٹی وی کے مختلف شعبے دیکھے اورسٹوڈیوز میں پی ٹی وی نیشنل کے براہ راست پروگرامز کی تیاری کے مراحل دیکھے۔ اداکار ندیم بیگ نے کہا کہ وہ پی ٹی وی کو اپنا دوسرا گھر سمجھتے ہیں اور اس کے پروڈیوسرز اور دیگر ماہرین کو مل کر اپنائیت کا احساس ہوتا ہے۔ پی ٹی وی ہمیشہ ملک کی نظریاتی سرحدوں کی حفاظت میں پیش پیش رہاہے اور ملکی ثقافت کے فروغ میں اس ادارے کا کردار قابل تعریف ہے۔ لاہور مرکزکے جنرل منیجر فیاض احمد وڑائچ نے کہا کہ پی ٹی وی نیشنل پر دو لائیو پروگرامز کے بعد پی ٹی وی اپنے ناظرین کی دلچسپی کیلئے متعدد نئے پروگرام بھی شروع کر رہاہے۔ ادکار ندیم بیگ جیسے لیجنڈزکا پی ٹی وی کا دورہ کرنا یہاں کے پروفیشنلز کیلئے حوصلہ افزاء ہے۔