قومی ٹی ٹونٹی کپ :خیبر پی کے اورسندھ کی ٹیمیں کامیاب

لاہور(سپورٹس ڈیسک) قومی ٹی ٹونٹی کپ میں خیبر پی کے ٹیم نے بلوچستان ٹیم کو 8وکٹوں جبکہ سندھ نے سنٹرل پنجاب کو۔۔وکٹوں سے شکست دیدی ۔ ملتان میں کھیلے جارہے ایونٹ کے پہلے مرحلے کے میچ میں بلوچستا نے 9وکٹوں پر 152رنز بنائے ۔امام الحق نو ‘اویس ضیاء چوبیس ‘بسم اللہ خان سولہ ‘حارث سہیل انتیس ‘عمران بٹ سینتیس ‘عمران فرحت دس ‘عماد بٹ چار ‘یاسر شاہ صفر ‘عمیدآصف سات رنز بناکرآئوٹ ہوئے ۔ شاہین شاہ آفرید ی نے بیس رنز کے عوض پانچ جبکہ عثمان شنواری نے دو ‘وہاب ریاض اور آصف آفریدی نے ایک ایک کھلاڑی کو آئوٹ کیا ۔ خیبر پی کے ٹیم نے ہدف 2وکٹوں پر پورا کرلیا ۔ فخر زمان پچیس اور محمد حفیظ پینتالیس رنز بناکر آئوٹ ہوئے ۔ محمد رضوان ستاون اور افتخار احمدانتیس رنز پر ناقابل شکست رہے ۔ عاکف جاوید اورعماد بٹ نے ایک ایک کھلاڑی کو آئوٹ کیا ۔ سنٹرل پنجاب نے پہلے کھیلتے ہوئے 7وکٹوںپر 154رنز بنائے ۔ عابد علی 58رنز بناکر نمایاں رہے ۔ سہیل خان نے تین جبکہ محمد اصغرنے دو کھلاڑیوں کو آئوٹ کیا۔ سندھ نے شرجیل خان اور خرم منظور کی شاندار بلے بازی کی بدولت ہدف بغیر کسی نقصان کے پورا کرلیا ۔ خرم منظور 50اور شرجیل خان 77رنز بناکر آئوٹ ہوئے ۔ شرجیل کا میچ کا بہترین کھلاڑی قرار دیا گیا ۔