اسلام آباد(نمائندہ نوئے وقت)وفاقی وزراجہ مخدوم شاہ محمود قریشی، اعظم سواتی، فروغ نسیم سید امین الحق، شیریں مزاری، مراد سعید،سپیکرقومی اسمبلی اسد قیصر ،ڈپٹی سپیکر قاسم خان سوری  کا عمر شریف کے انتقال پر دکھ و افسوس کا اظہار عمر شریف کا انتقال باعثِ صدمہ ہے, اسد قیصر اور ڈپٹی سپیکر قاسم سوری کا کہنا تھا کہ عمر شریف کے انتقال سے فن کی دنیا کا سنہری باب بند ہو گیا ہے،صد افسوس، رونے والوں کو بھی ہنسنے پر مجبور کرنے والا طنز و مزاح کا آفتاب آج غروب ہوگیا۔انہوں نے کہا کہ وہ ایک بین الاقوامی فنکار تھے انہوں نے دلوں پر راج کیا وہ انسان دوست شخصیت کے مالک تھے،ملک ایک عظیم فنکار سے محروم ہوگیاہے، انہوںنے کہاکہ اس عظیم نقصان پر سوگوار خاندان کے ساتھ پوری قوم غمگین ہے۔ اللہ ان کی مغفرت فرمائے اور جنت الفردوس میں اعلیٰ مقام عطاء فرمائے۔