سپریم کورٹ سائفر کی تحقیق نہیں کرے گی توحالات گھمبیر ہو سکتے ہیں : شیخ رشید 

لاہور( این این آئی) سابق وزیر داخلہ شیخ رشید احمد نے کہا ہے کہ سپریم کورٹ سائفر کی تحقیق نہیں کرے گا توحالات گھمبیر ہو سکتے ہیں ،کم عقل حکمران ہرقدم اپنے خلاف اٹھاتے ہیں،عمران خان کی نااہلی اورگرفتاری سے حکمرانوں کوکچھ نہیں ملے گا۔ ٹوئٹر پر جاری اپنے بیان میں شیخ رشید نے کہا کہ دو ہفتوں سے اسلام آباد کی پولیس تھک چکی ہے۔پاکستان کے سیاسی مستقبل کا فیصلہ اب اعلی عدالتوں سے منسلک ہے،رواں ہفتے میںنیب ترامیم کیس کی سماعت بھی اہم ہے۔انہوں نے کہا کہ اگر عمران خان کی کال پرفیصلہ چوک اور چوارہے میں ہونا ہے تو جھاڑو پھر جائے گا۔عوام کے مسائل سے ڈیل کی ضرورت ہے چوروں سے نہیں،اکتوبر اہم ہے15 نومبر تک اہم سیاسی فیصلے ہوجائیں گے۔انہوں نے کہا کہ 2ہفتوں سے بلاول بھٹو امریکہ میں مزے کررہا ہے جبکہ سندھ کے سیلاب زدگان کی کوئی فکر نہیں۔
شیخ رشید