فیروزوالہ (نامہ نگار) جی ٹی روڈ پر ٹریفک کے مختلف حادثات میں 2 نوجوان ہلاک اور 4 افراد زخمی ہو گئے۔لاہور روڈ کی آبادی قلعہ ستار شاہ کے قریب تیز رفتار ٹرک موٹرسائیکل سواروں سے ٹکرا گیا۔ تحسین احمد ہلاک بھتیجا تجمل علی زخمی ہوگیا۔ حادثہ کے بعد ڈرائیور فرار ہو گیا۔ کالا خطائی روڈ پر رکشہ اور موٹر سائیکل کے درمیان تصادم کے نتیجہ میں موٹر سائیکل نوجوان شدید زخمی ہوگیا۔ہسپتال لایا گیا جہاںدم توڑ گیا۔ متوفی کے ورثاء نے الزام عائد کیا گیا ہے۔ ڈاکٹروں نے بروقت طبی امداد فراہم نہ کی۔ جس کی وجہ سے نوجوان کی ہلاکت ہوئی۔ بعد ازاں متوفی کے ورثاء نے جی ٹی روڈ پر سڑک بلاک کر کے احتجاج کیا جس پر شاہدرہ اور فیروز والا پولیس نے موقع پر پہنچ کر صورتحال پر کنٹرول کر کے مظاہرین کو یقین دہانی کرائی اور ٹریفک کا نظام بحال کرایا۔ جی ٹی روڈ پر موٹر سائیکل اور کار کے درمیان تصادم میں 4 افراد زخمی ہو گئے۔