لاہور(نامہ نگار) لاہور سمیت صوبہ بھر میںگزشتہ روزگر جا گھروں کو فول پر وف سکیورٹی فراہم کی گئی۔ گرجاگھروں کو اے پلس ، اے ، بی اور سی کیٹگریز میں تقسیم کرکے سکیورٹی اقدامات کیے گئے تھے۔ اے پلس اور اے کیٹگری کے گرجا گھروں کی چھتوں پر سنائپرز تعینات کیے گئے جبکہ تمام کیٹگریز کے گرجا گھروں میں داخلے کیلئے تلاشی کے علاوہ واک تھرو گیٹ اور میٹل ڈیٹکٹر سے چیکنگ کی گئی ۔ ڈولفن اور پیرو کو بھی خاص طور پر ہدایات جاری کی گئیں کہ وہ ہر مشکوک افراد پر کڑی نظریں رکھیں گے تاکہ کسی بھی طرح کا کوئی ناخوشگوار واقعہ رونما نہ ہوسکے۔