لاہور(کلچرل رپورٹر)کامیڈی کے شہنشاہ اور تھیٹر کے بے تاج بادشاہ عمر شریف کی اتوار 2اکتوبر کو پہلی برسی منائی گئی۔ سٹیج ڈراموں کے بادشاہ مزاحیہ اداکار عمر شریف گزشتہ برس 2 اکتوبر کو عارضہ قلب میں مبتلا ہونے کے باعث 66 برس کی عمر میں جرمنی میں دوران علاج انتقال کرگئے تھے۔ اس موقع پر ان کی روح کے ایصال ثواب کےلئے قرآن اور فاتحہ خوانی کی گئی۔ عمر شریف کی برسی کے موقع پر میڈیا میں ان کے فن اور ملک و قوم کےلئے ان کی خدمات پر ان کو خراج عقیدت بھی پیش کیاگیا۔