کراچی(این این آئی)سابق چیئرمین و پیٹرن ان چیف آباد محسن شیخانی کی والدہ قضائے الہی سے جمعہ کی شب دبئی میں انتقال کر گئی تھیں۔ مرحومہ کی نماز جنازہ اتوار کوبعد نماز ظہر بیت السلام مسجد آرمی آفیسرز ہائوسنگ سوسائٹی میں  ادا کی گئی۔ نماز جنازہ میں قام مقام گورنر سندھ آغا سراج درانی ، معروف تاجر و اے کے ڈی گروپ کے سربراہ عقیل کریم ڈیڈھی ، امیر جماعت اسلامی کراچی حافظ نعیم الرحمن ، صدر آرٹس کونسل آف پاکستان احمد شاہ ، نو منتخب چیئرمین آباد الطاف تائی ، سابقہ چیئرمین آباد حنیف میمن سمیت بلڈرز اینڈ ڈیویلپرزکمیونٹی و دیگر معروف تاجروں نے محسن شیخانی سے اظہار تعزیت کیا اور نماز جنازہ میں شرکت کی۔۔  تدفین کے موقع پر اہل خانہ کی جانب سے مرحومہ کے ایصال و ثواب کیلئے بروز منگل بعد نماز مغرب تا عشا قرآن خوانی و دعائے مغفرت کے اہتمام کا اعلان کیا گیا جس میں مردوں کیلے بیت السلام مسجد آرمی آفیسر ہائوسنگ سوساٹی  جبکہ خواتین کیلے محسن شیخانی کی رہاش گاہ پر اہتمام کیا جائے گا۔