حافظ آباد:ڈاکو تین موبائلز،موٹرسائیکل،نقدی چھین کرفرار

حافظ آباد(نمائندہ خصوصی، نامہ نگار+نمائندہ نوائے وقت)ڈاکو ایک موبائل شاپ سے تین ٹچ موبائل فونز چھین کر فرار ہوگئے۔ محمد ریاض ولد نصیر کھوکھر نے کسوکی روڈ پر موبائل شاپ بنارکھی ہے ۔گزشتہ رو زدوڈاکو دکان پر آئے اور تین موبائل فونز چھین کر فرار ہوگئے۔ پولیس خواب خرگوش کے مزے لوٹنے میں مصروف ہے،بڑھتی ہوئی وارداتوں سے پولیس عدم تحفظ کا شکار ہے۔دوسری طرف تین ڈاکو میرکھ بھٹیاں کے قریب دیہاتی سے موٹر سائیکل اور نقدی لوٹ کر فرار ہوگئے۔اویس ولد احمد بھٹی اپنی ہمشیرہ کے ہمراہ رسولپور تارڑ سے دوائی لیکر موٹرسائیکل پر گائوں کی طرف آرہا تھا ۔ راستہ میں تین ڈاکوؤں نے اسے روک کر اسلحہ کے زور پر 25سوروپے ، موٹر سائیکل چھین لی ااور فرارہوگئے۔