ریاض(نیٹ نیوز) سعودی ایوی ایشن نے پی آئی اے سمیت دیگرغیر ملکی ائیرلائنز کو پروازوں کی آمد و روانگی میں تاخیر کے معاملے پر وارننگ لیٹر جاری کردیے۔ سعودی ایوی ایشن کی جانب سے مجموعی طور پر 26 ائیرلائنز کو وارننگ لیٹر جاری کیے گئے۔ سعودی ایوی ایشن نے وارننگ لیٹر میں واضح کیا ائیرلائنز نے اپنی پروازوں کی کارکردگی بہتر نہیں کی تو موسم گرما میں ان کے سلاٹ میں کمی کردی جائے گی۔ پی آئی اے کو جرمانے کی بھی وارننگ دی گئی ہے۔