ساہیوال: میرج ہال کے برائیڈل روم میںلباس بدلنے کی ریکارڈنگ‘2ملزم گرفتار

ساہیوال( نمائندہ نوائے وقت)میرج ہال میںدلہن ڈریسنگ روم میں خفیہ کیمرے کے ذریعے دلہن سمیت دیگر عورتوں کے تبدیلی لباس کی خفیہ وڈیو بنانے کاانکشاف ¾شہری کی ریسکیو15پر کال ¾منیجر نے سسٹم ڈی اوآر توڑ دیا ¾2ملزم گرفتار ¾مقدمہ درج۔ تفصیلات کے مطابق گرینڈ امپیریل میر ج ہال89/6-Rمیں دلہن ڈریسنگ روم برائیڈل روم میںہال انتظامیہ خفیہ کیمرے لگاکر دلہن سمیت دیگر عورتوں کے تبدیلی لباس کے مناظر کی ویڈیو بناتے ہیں۔ یہ انکشاف اس وقت ہوا جب گزشتہ روز محمد ارشد کی بیٹی کی شادی تھی اور دلہن ڈریسنگ روم میںکپڑے پہن رہی تھی کہ ساتھ والے کمرے میںمنیجر عمر اقبال ¾اسسٹنٹ منیجر جاوید منیر اور 2نامعلوم ساتھی شورشرابا کررہے تھے اس دوران محمدا رشد اپنے بیٹوں علی اکبر اور طارق حسین منیجر کے کمرے میں گئے تومنیجر سمیت دیگر ڈریسنگ روم والی ویڈیو دیکھ رہے تھے جس پر محمد ارشد نے ریسکیو15پر اطلاع کردی اور عمر اقبال وغیرہ نے پولیس آنے سے قبل ویڈیو کا پورا سسٹم ڈی وی آر توڑد یا ¾ ریسکیو15اطلاع پر پہنچی تو 2نامعلوم ملزم فرارہوگئے جبکہ پولیس نے عمر اقبال اور جاوید منیر کو گرفتارکرلیا۔ پولیس تھانہ فرید ٹاﺅن نے محمد ارشد کی رپورٹ پر عمر اقبال وغیرہ3ملزم کے خلاف زیردفعہ 292/506-B ت پ کے تحت مقدمہ درج کرکے تفتیش شروع کردی ہے۔