ترکیہ میں پولیس نے اتوار کو ہونے والے خودکش حملے میں ملوث دہشتگردوں کی تلاش میں 18 صوبوں میں کارروائی کرتے ہوئے 90 افراد کو گرفتار کر لیا۔غیر ملکی خبر ایجنسی کے مطابق کرد عسکریت پسند گروپ سے تعلق کے الزام کے شبے میں گرفتاریاں عمل میں لائی گئیں۔

واضح رہے کہ دو روز قبل ترکیہ کے دارالحکومت انقرہ میں پارلیمنٹ کی عمارت کے قریب ہونے والے دھماکے کی ذمے داری کرد عسکریت پسندوں نے قبول کی تھی۔خودکش دھماکے میں 2 پولیس اہلکار زخمی ہوئے تھے جبکہ ایک خودکش حملہ آور کو پولیس نے فائرنگ کرکے ہلاک کر دیا تھا۔