قومی ٹی ٹونٹی ٹورنامنٹ 15 ستمبر سے شروع ہو گا

لاہور(سپورٹس رپورٹر) پاکستان کی پہلی پاکستان سپر لیگ کے انعقاد ممکن نہ ہونے کی بناء پر پی سی بی حکام نے رواں ماہ ملک میں قومی ٹی ٹونٹی ٹورنامنٹ کرانے کا فیصلہ کیا ہے۔ یہ ٹورنامنٹ 15 سے26 ستمبر تک ملتان کرکٹ سٹیڈیم میں کھیلا جائیگا۔ ٹورنامنٹ میں   ملک بھر سے 19 ریجنل ٹیمیں شرکت کریں گی  لاہور اور کراچی کی دو دو ٹیمیں ٹورنامنٹ کا حصہ لیں گی۔ واضح رہے کہ پاکستان کرکٹ  بورڈ نے سپر لیگ کے انعقاد میں ناکامی کے بعد ڈومیسٹک سطع پر نیا ٹورنامنٹ کرانے کا فیصلہ کیا تھا  اور اس حوالے سے ریجنل کرکٹ کو فروغ دینے کے لئے موجودہ سیزن میں ملتان میں  ٹی ٹونٹی ٹورنامنٹ کرانے کا فیصلہ کیا ہے۔