ریڈ زون کو ایک دو دن میں خالی کرالیں گے: آئی جی اسلام آباد

اسلام آباد (نوائے وقت رپورٹ) آئی جی اسلام آباد طاہر عالم نے کہا ہے کہ ریڈ زون کو ایک دو دن میں خالی کرالیں گے۔ اب ڈنڈا کھانا نہیں جواب دینا ہے۔ اب پولیس بھاگے گی نہیں بلکہ بھگائے گی۔ اعلیٰ سطح کے اجلاس میں خطاب کرتے ہوئے انہوں نے کہا کہ مظاہرین پرامن رہیں تو کچھ نہیں کہا جائے گا، توڑ پھوڑ ہوئی تو سختی سے نمٹا جائے گا۔ میڈیا سے بدتمیزی کی اجازت نہیں دی جاسکتی۔