لاہور(سپورٹس ڈیسک ) پرتگال فٹ بال ٹیم نے دوستانہ میچ میں جبرالٹر کو صفر کے مقابلے میںپانچ گول سے شکست دیدی ۔کپتان کرسٹیانو رونالڈو کی غیر موجودگی میں نانی کے کپتانی کی اور میچ میں دو گول سکور کئے ۔جبرالٹرکی فٹ بال ٹیم فیفا کی رکنیت حاصل کرنے کے بعد پہلا انٹر نیشنل میچ کھیل رہی تھی۔رونالڈو زخمی ہونے کی وجہ سے میچ نہیں کھیل سکے ۔ایک اور میچ میںسپین نے بیلجیئم کو شکست دیدی۔سپین نے میچ میں دو صفر سے کامیابی حاصل کی ۔فرانس نے اٹلی کو ایک کے مقابلے میں تین گول سے ہرادیا۔یونان نے ہالینڈ کے خلاف ایک صفر سے کامیابی سمیٹی ۔ارجنٹائن نے لیونل میسی کی ریٹائرمنٹ واپس لینے کے بعد واپسی پر یورو گوئے کو ایک صفر سے شکست دیدی ۔ کپتان میسی نے واپسی پر میچ فیصلہ کن گول کیا ۔ارجنٹائن اس کامیابی کے بعد جنوبی امریکہ ورلڈ کپ کوالیفائر گروپ میں پہلی پوزیشن پرآگیا ہے ۔یورو گوئے دو پوائنٹس کمی کے ساتھ دوسرے ‘کولمبیا گول اوسط کی وجہ سے تیسرے ‘ایکواڈ ور چوتھے ‘برازیل پانچویں اور پیرا گوئے چھٹے نمبر پر ہے ۔