لاہور+ ملتان (نامہ نگار+ نوائے وقت رپورٹ) پولیس و قانون نافذ کرنے والے اداروں نے رات گئے شہر کے مختلف علاقوں میں سرچ آپریشن کرتے ہوئے 18 مشکوک افراد کو حراست میں لے لیا۔ پولیس نے راوی روڈ، شفیق آباد، شاہدرہ، لاہور ریلوے سٹیشن سے ملحقہ علاقوں میں سرچ آپریشن کیا۔ علاوہ ازیں پولیس حکام نے دہشت گردی کے خدشات کے پیش نظر پی ٹی آئی کی ریلی کے موقع پر سکیورٹی پلان کا ازسرنو جائزہ لے کر مزید سخت انتظامات کئے ہیں۔ دوسری طرف سی ٹی ڈی نے ملتان کے علاقے جہانگیر آباد میں کارروائی میں چار دہشت گرد گرفتار کرلئے۔ سی ٹی ڈی ذرائع کے مطابق گرفتار دہشت گردوں میں دو خواتین بھی شامل ہیں۔ گرفتار دہشت گردوں سے 9 کلوگرام بارودی مواد اور دیگر سامان برآمد کرلیا۔