روسی شہر سوچی میں مسافر بردار طیارہ کریش، ایک ہلاک،18 افراد زخمی

سوچی (این این آئی)روسی شہر سوچی میں ایک مسافر طیارے کے حادثے میں ایک شخص ہلاک جبکہ 18 افراد زخمی ہو گئے ۔اس واقعے میں زخمی ہونے والوں میں سے ایک بالغ اور دو بچوں کو ہسپتال منتقل کیا گیا ہے۔ اس واقعے کی وجوہات جاننے کے لیے تفتیش شروع کر دی گئی ہے۔غیرملکی خبررساں ادارے کے مطابق حکام نے بتایا کہ لینڈنگ کے دوران خراب موسم میں یہ طیارہ اپنے رن وے سے اتر گیا۔ بتایا گیا کہ اس بوئنگ سیون تھری سیون پر 164 مسافر اور عملے کے چھ ارکان سوار تھے۔ اطلاعات ہیں کہ اس حادثے کے بعد جہاز کے ایک انجن میں آگ بھڑک اٹھی۔ حکام کا کہنا تھا کہ اس واقعے میں زخمی ہونے والوں میں سے ایک بالغ اور دو بچوں کو ہسپتال منتقل کیا گیا ہے۔ اس واقعے کی وجوہات جاننے کے لیے تفتیش شروع کر دی گئی ہے۔