بی اے،بی کام،معادلہ(مدارس )پرائیویٹ کے سالانہ امتحانی فارم 13ستمبرتک جمع کرائے جاسکتے ہیں

کراچی (نیوز رپورٹر )وفاقی اردو یونیورسٹی کے ناظم امتحانات غیاث الدین احمد کے مطابق بی اے،بی کام،معادلہ(مدارس )پرائیویٹ کے سالانہ امتحانی فارم 2 ستمبرسے13ستمبر2019تک عسکری بینک گلشن اقبال اور عبدالحق کیمپس کے عسکری بینک بوہرہ پیر برانچز سے حاصل اور جمع کرائے جاسکتے ہیں۔آن لائن کمپیوٹرائزڈ فیس وائوچرویب سائٹ سے پرنٹ کئے جاسکتے ہیں۔فیس وائوچر پرنٹ کے لیے درج بالا ویب سائٹ پر اسٹوڈنٹ IDاور قومی شناختی کارڈ نمبردرج کریں(طلبہ IDکمپیوٹرائز ڈ رجسٹریشن فیس چالان اور گزشتہ امتحان کے کمپیوٹرائزڈ فیس چالان پر درج ہے) سائن اِن ہونے کے بعد جنریٹ وائوچر کے بٹن پر کلک کریں اور وائوچر ڈائون لوڈ کرکے پرنٹ کریں۔ امتحانی فارم مکمل کرکے شعبہ امتحانات گلشن وعبدالحق کیمپسز میں قائم امتحانی کائونٹرز سے تصدیق کرانے کے بعد متعلقہ بینکوں میں جمع کروائیں۔