لاہور(خصوصی نامہ نگار)دارالعلوم جامعہ نعیمیہ کے ناظم اعلیٰ وممبراسلامی نظریاتی کونسل علامہ ڈاکٹرراغب حسین نعیمی نے کہاہے کہ رواں سال تنظیم المدارس اہل سنت کے امتحانات میں جامعہ نعیمیہ کے طلبہ نے100فیصد کامیابی حاصل کی ہے۔عثمان اجمل1028،محسن سرور1028،عبدالمجید1028،عثمان اشتیاق 1017اورغلام مرتضی نے1014باالترتیب پہلی ،دوسری اورتیسر ی پوزیشن حاصل کی ہے۔الشہادۃ العالمیہ،اول، دوئم (ایم اے اسلامیات و عربی)کے124طلبہ شریک ہوئے جن میں 109طلبہ نے ممتاز مع الشرف،15نے ممتاز گریڈ میں کامیابی سمیٹی ،شاندار نتائج اساتذہ اورانتظامیہ کی شبانہ روزمحنت کاثمر ہے۔حالات جیسے بھی ہوں جامعہ نعیمیہ معاشرے میںمعیاری تعلیم کے فروغ کیلئے اپنا کردار ادا کرتارہے گا۔