ٹیکسلا(نمائندہ نوائے وقت)واہ کینٹ ٹیکسلاکاعلا قہ میرے وفادار،مخلص ساتھیوںکامرکزہے،اس علا قہ میں پی اوی ایف واہ کے مزدوروںکی عملی خدمت کے ساتھ ساتھ جی ٹی روڈپرواہ جنرل ہسپتال جیسے عظیم فلاحی منصوبہ سمیت قدم قدم پرمیری خدمات کے روشن نشانات موجودہیں،میںاس حلقہ کے عوام کوکسی صورت بھی تنہانہیںچھوڑسکتا،وقت اورحا لا ت سدا،ایک جیسے نہیںرہتے،وقت بدلتے دیر نہیںلگتی،الیکشن کاجب بھی موقع آیا،میںواہ کینٹ ٹیکسلاکے حلقہ سے ہرقیمت پرالیکشن لڑونگا،ان خیا لات کااظہارسابق وفاقی وزیرداخلہ چوہدری نثارعلی خان نے حضروجاتے ہوئے راستہ میںاپنے معتمد ساتھی،سابقہ کونسلرواہ کنٹونمنٹ بورڈملک سعید نوازراجہ کی رہائش گاہ پرقیام کے دوران اپنے بہی خواہوںسے گفتگوکرتے ہوئے کیا،چوہدری نثارعلی خان نمازظہرکی ادائیگی کے بعدسعیدنوازکی رہائش گا ہ سے حضروکی طرف روانہ ہوگئے،اس موقع پرمعر و ف کاروباری شخصیت وسیاسی رہنماء شیخ ذیشان سعید ،سابقہ ناظم راولپنڈی دوست محمدخان مہمند،ملک اسماعیل نواز،اورحاجی مرسلین بھی موجودتھے،چوہد ری نثارعلی خان نے مشکل حالات میںاستقامت کیساتھ کھڑا،رہنے پرملک سعیدنوازکوخصوصی شا با ش دی،اورکہاکہ آپ لوگ فکرنہ کریںمیںواہ کینٹ ٹیکسلاکے حلقہ سے ہی الیکشن لڑونگا،انہوںنے مزیدکہاکہ 25جولائی 2018کے انتخابات میںواہ کینٹ ٹیکسلاکے حلقہ سے میںنے 64ہزارووٹ حاصل کیئے،مجھے اس حلقہ کے عوام کاخلوص اورپیا رہمیشہ عزیزہے،اورمیںان کی وفاداری کوکسی صور ت فراموش نہیںکرسکتا۔