تھائی ایئر ویز کا بنکاک سے لاہور کیلئے خصوصی پرواز چلانے کا اعلان

اسلام آباد (صباح نیوز)تھائی ایئر ویز نے بنکاک سے لاہور کیلئے 12 ستمبر کو خصوصی پرواز چلانے کا اعلان کردیا۔بنکاک میں پاکستانی سفارت خانے کی جانب سے جاری اعلامیہ کے مطابق تھائی لینڈ میں مقیم پاکستانیوں کی وطن واپسی کیلئے اس پرواز کا انتظام کیا گیا ۔اعلامیے میں کہا گیا ہے کہ وطن واپسی کے خواہشمند پاکستانی بنکاک میں پاکستانی سفارت خانے سے رابطہ کریں۔