قاہرہ (نوائے وقت رپورٹ) پاکستان کی تین معذور خواتین نے تن تنہا مصر میں واقع اہرام مصر پہنچ کر دنیا کو حیران کر دیا۔ معذوری کی وجہ سے ویل چیئر تک محدود ہوجانے والی بہادر خواتین کی تاریخی مقامات کی تصاویر دیکھ کر ان کے حوصلے کی داد دی جا رہی ہے۔ پاکستان سمیت دنیا بھر میں عام طور پر معذور افراد اور خصوصی طور پر خواتین مختلف کاموںکیلئے دیگر لوگوں کی مدد کی ضرورت ہوتی ہے مگر پاکستان کی تین بہادر معذور خواتین کسی دوسرے شخص کی مدد کے بغیر نہ صرف ملک سے باہر سیر پر نکلیں بلکہ وہ صحرا میں واقع تاریخی مقام اہرام مصر تک بھی جا پہنچیں۔