اسلام آباد :سماجی فاصلے، ماسک کو نظر انداز کرنے اور ایس او پیز کی خلاف ورزیوں کے باعث پاکستان میں کورونا وائرس کی چوتھی لہر زور پکڑنے لگی، پاکستان میں کورونا وائرس سے مزید 57افراد چل بسے ،3787نئے کیسز سامنے آگئے۔
نیشنل کمانڈ اینڈ آپریشن سینٹر کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 3787 کیسز سامنے آئے ہیں اورمزید 57 افراد اس موذی وباء کے سامنے زندگی کی بازی ہار گئے۔
گزشتہ 24 گھنٹوں میں ملک میں کورونا وائرس کے مزید59 ہزار 745 ٹیسٹ کئے گئے، ملک میں مثبت کیسز کی شرح 6 اعشاریہ 33 فیصد ہو گئی۔پاکستان بھر میں گزشتہ 24 گھنٹوں کے دوران 15 لاکھ 90 ہزار 236 افراد کو کورونا وائرس کی ویکسین دی گئی، اب تک کْل 5 کروڑ 67 لاکھ 68 ہزار 446 کورونا ویکسین کی خوراکیں دی جا چکی ہیں اب تک 1 کروڑ 74 لاکھ 55 ہزار 249 افراد کی مکمل ویکسی نیشن ہو چکی ہے۔
