بدین: ٹرک نے سڑک کنارے سوئے سیلاب متاثرین کو کچل دیا‘ 3 بہن بھائی جاں بحق

بدین (این این آئی) سیلاب کے باعث بے گھر ہونے والے 3 بہن بھائیوں کو تیز رفتار ٹرک نے کچل کر ہلاک کر دیا۔ ایس ایس پی بدین شاہنواز کے مطابق سیلاب متاثرین گولارچی میں حاجی امیر شاہ نالے کے قریب سو رہے تھے، سامان سے بھرا ٹرک ان کے اوپر چڑھ گیا جس کے نتیجے میں 3بہن بھائی موقع پر ہی جاں بحق ہوگئے۔ مرنے والوں میں 18 سالہ عنایت، 12 سالہ وسیمہ اور 10 سالہ سیما ہیں۔ حادثہ پر سیلاب متاثرین نے سڑک بلاک کردی، اہلکاروں نے ٹرک کو قبضے میں لے کر ڈرائیور اور کلینر کو گرفتار کرلیا‘ واقعے کے خلاف تقریباً 40 افراد نے احتجاج جاری رکھا۔ ڈرائیور کی شناخت زین اللہ اور کلینر کی نور گل کے نام سے ہوئی ہے۔
3 بہن بھائی