پاکستان سپر لیگ 8آئندہ سال 9فروری سے شروع کرنے کا فیصلہ 

لاہور(سپورٹس رپورٹر)دنیا بھر میں دھوم مچانے والی پاکستان سپر لیگ کے سیزن 8 کی تاریخ سامنے آگئی۔چیئرمین پی سی بی رمیزراجہ کی زیرصدارت پی ایس ایل گورننگ کونسل کا اجلاس ہوا جس میں تمام 6 فرنچائز کے نمائندوں نے شرکت کی۔اجلاس میں پی ایس ایل ایٹ 9فروری سے19 مارچ 2023 تک کرانےکا فیصلہ کیا گیا۔ ایونٹ کیلئے کم از کم 4 مقامات کو طے کیا گیا ہے۔پی ایس ایل کے میچز لاہور، کراچی، راولپنڈی اور ملتان میں منعقد ہوں گے جبکہ ایونٹ کے دیگر معاملات طے کرنے کیلئے اجلاس اگلے ہفتے ہو گا۔چیئرمین پی سی بی میزراجہ نے پی ایس ایل 7 کےکامیاب انعقاد پر مبارکباد دی اور اس عزم کا اظہار کیا کہ آئندہ سیزن کو بھی بھرپور کامیاب بنایا جائےگا۔