نوجوان نسل کوبے راہ روی اورمنشیات سے روکنے کیلئے ساتھ دیں:عدنان اعجاز

نوشہرہ ورکاں (نامہ نگار)عدنان اعجازایس ایچ اوتھانہ نوشہرہ ورکاں نے نوشہرہ ورکاں پریس کلب میں میٹ دی پریس پروگرام میں گفتگوکرتے ہوئے کہاہے کہ منشیات فروش میراٹارگٹ نمبرون ہیں،نوجوان نسل کوبے راہ روی اورمنشیات کے استعمال سے روکنے کے لئے میڈیااورعوام پولیس کاساتھ دیں،اطلاع کرنے والوں کومکمل تحفظ فراہم کیاجائے گا ۔ انہوں نے بتایا کہ آج بروز ہفتہ10بجے دن تھا نہ چوک تادفترپریس کلب منشیات کے خلاف پریس،پولیس،عوامی حلقے اورسکولوں کے طلباء  واک کریں گے جس کامقصدمنشیات کے تدارک سے آگاہی فراہم کرناہے۔دریں اثناء پریس کلب میں سیلاب زدگان کے لئے امدادجمع کرکے ریلیف پہنچانے والی جماعتوں،تنظیموں،اداروں اورافرادکی خدمات کوخراج تحسین پیش کرنے کے لیے پروگرام کا انعقاد کیاجا ئے گا۔ راشد چوہدری صدرپریس کلب نے کہاکہ عوام،پاک آرمی اورحکومت کی سیلاب متاثرین کے لئے جدوجہدکونوشہر ورکاں پریس کلب  سراہتے ہوئے سیلاب زدگان کے لئے کام کرنے والوں کے ہرلمحہ ساتھ ہے۔