سید علی گیلانی کا تحریک آزادی کشمیرمیں کردار مثالی ہے:راؤ اختر علی 

سرائے مغل(نامہ نگار) سید علی گیلانی کا تحریک آزادی کشمیرمیں کردار مثالی اور مشعل راہ ہے۔ وہ پاکستان کے حقیقی بیٹے تھے جنہوں نے دشمنوں کے مظالم کے سامنے نعرہ تکبیر بلند کیا ۔ ان خیالات کا اظہار امیر جماعت اسلامی ضلع قصورپروفیسر راؤ اختر علی نے مجاہد آزادی کشمیر سید علی شاہ گیلانی کی پہلی برسی پر ایک سیمینار سے خطاب کرتے کیا۔ انہوں نے تحریک آزادی کی جدوجہد میں ان کے بے مثال کردار کو مشعل راہ قرار دیتے ہوئے کہا کہ سید علی گیلانی نے ساری عمر پاکستان کا نعرہ بلند کیا اور عملی اقدامات کے ذریعے ثابت کر دکھایا کہ وہ پاکستان کے بیٹے تھے۔ آنیوالی نسلیں ان کے مثالی کردار سے ہمیشہ سیکھتی رہیں گی اور جب بھی کشمیر آزدی کی بات ہوگی انہیں یاد رکھا جائے گا۔ انہوں نے کہا کہ کشمیر پاکستان کی شہ رگ ہے، اس سے دستبردار ہونے کا سوال ہی پیدا نہیں ہوتا۔ پاکستان کے غیور 22کروڑ عوام نہتے کشمیری بہن بھائیوں کی اخلاقی ، سیاسی اور سفارتی حمایت جاری رکھیں گے۔