جناح اسلامیہ کالج ٹاؤن شپ اورینٹیشن سیشن کا انعقاد

لاہور (لیڈی رپورٹر) گزشتہ روز جناح اسلامیہ کالج ٹاؤن شپ لاہور میں Orientation Session 2023 کا انعقاد کیا گیا مہمان خصوصی ڈائریکٹر ککس موبل آئل کمپنی محمد آصف بٹ نے طلبہ سے خطاب کرتے ہوئے کہا کہ جناح اسلامیہ کالج کی تاریخ بڑی شاندار ہے طلبا و طالبات پنجاب یونیورسٹی میں پوزیشنز لیتے رہے ہیں اور کئی سال ٹاپ کرتے رہے  ہیں۔  مہمان خصوصی نے کہا محنت کے بغیر کامیابی کا حصول ناممکن ہے طلباء وطالبات محنت کرکے ہی اپنا کھویا ہوا مقام حاصل کر سکتے ہیں۔ انہوں نے کہا طلبہ کو فلاحی کاموں میں بڑھ چڑھ شریک ہونا چاہئے۔ دوسری مہمان فرزانہ آئی ٹی کنسلٹنٹ تھیں نے طلبہ سے کہا کہ وہ بہت خوش قسمت ہیں کہ آج ان کے پاس سیکھنے کے اور آگے بڑھنے کے بہت سے مواقع موجود ہیں ۔پرنسپل محمد یونس مغل نے ڈسپلن پر زور دیا اور والدین سے دعا کی درخواست کی کہ وہ دعا کریں کہ اللہ تعالیٰ کالج مینجمنٹ کو والدین اور طلباء وطالبات کی توقعات پر پورا اترنے کی توفیق اور ہمت دے۔ پروگرام کے آخر میں معزز مہمانان کو اعزاز شیلڈز پیش کی گئیں۔