لاہور(سٹاف رپورٹر) اینٹی نارکوٹکس فورس نے  24گھنٹوں کے دوران8 کارروائیوں میں 456 کلو منشیات برآمد کر لی جبکہ 9 ملزم گرفتار کر لئے گئے۔ ترجمان اے این ایف کے مطابق یہ کارروائیاں پشاور، اسلام آباد، قلعہ عبداللہ، سیالکوٹ، چمن اور لاہور میں کی گئیں۔ کارروائیوں کے دوران 346 کلو 600 گرام چرس، 52 کلو ہیروئین برآمد کر لی گئی۔ ترجمان کے مطابق ایک اور کارروائی میں 40کلو افیون،17کلو آئس برآمد کی گئی جبکہ گرفتار ملزمان کیخلاف انسداد منشیات ایکٹ کے تحت مقدمات درج کر لئے گئے۔