لاہور(سپورٹس رپورٹر) بنگلادیشی فاسٹ بولر حسن محمود نے کہا نئی گیند سے اچھی لینتھ پر بولنگ کرانے کا پلان تھا، جس سے وکٹیں حاصل ہوئیں۔ راولپنڈی میں دوسرے ٹیسٹ میچ کے چوتھے دن کے اختتام پر میڈیا سے گفتگو میں حسن محمود نے کہا پاکستانی بیٹرز کی وکٹیں لینے کا منصوبہ بنایا۔ ٹیسٹ کرکٹ میں 5 وکٹیں لینا ہمیشہ فخرکی بات ہوتی ہے۔ بارش کے بارے میں نہیں سوچا، معمول کے مطابق کھیلیں گے۔ بنگلادیش ٹیم جلد ہدف حاصل کرنا چاہتی ہے۔ راولپنڈی بہت خوبصورت شہر ہے، یہاں کی سکیورٹی کمال تھی۔پاکستان بہت محفوظ ملک ہے۔