لاہور(سپورٹس رپورٹر)جرمنی کے نامور ٹینس سٹار اور عالمی نمبر 4 الیگزینڈر زویروف ، بلغاریہ کے گریگور دیمتروف اور امریکی ٹینس کھلاڑی ٹیلر فریٹز اپنی فتوحات کے تسلسل کو برقرار رکھتے ہوئے یو ایس اوپن ٹینس ٹورنامنٹ میں مینز سنگلز مقابلوں کے کوارٹر فائنل میں پہنچ گئے۔ مینز سنگلز مقابلوں کے چوتھے رائونڈ میچ میں جرمنی کے الیگزینڈر زویروف نے عمدہ کھیل پیش کرتے ہوئے امریکی حریف کھلاڑی برینڈن ناکشیما کو 6-3،1-6، 2-6اور 2-6سے شکست دیکر میگا ایونٹ کے کوارٹر فائنل رائونڈ کیلئے کوالیفائی کرلیا۔ بلغاریہ کے ٹینس کھلاڑی گریگور دیمتروف نے بھی پری کوارٹر فائنل لائن عبور کرلی۔ انہوں نے روسی حریف کھلاڑی آندرے روبلوف کو سخت مقابلے کے بعد 3-6، 6-7(3-7)،6-1، 6-3اور 3-6سے شکست دیکر ٹاپ ایٹ رائونڈ تک رسائی حاصل کی۔