کوئٹہ (نوائے وقت رپورٹ) بلوچستان کے علاقوں تربت‘ خضدار اور ژوب میں 5 بچے ڈوب کر جاں بحق ہو گئے۔ لیویز حکام کے مطابق ژوب کے علاقے کیشتو میں دو بچے برساتی نالے میں ڈوب کر جاں بحق ہو گئے۔ دونوں بچے بھائی تھے، لاشیں نکال لی گئیں۔ پی ڈی ایم اے حکام کے مطابق تربت کے سوراب ڈیم میں ڈوب کر بچہ جاں بحق ہو گیا۔ بچے کی لاش نکال کر ورثاء کے حوالے کر دی گئی۔ خضدار کی تحصیل باغبانہ میں جوہڑ میں ڈوب کر دو بچے جاں بحق ہو گئے۔ لیویز حکام کے مطابق ایک بچہ نازک حالت میں ٹیچنگ ہسپتال منتقل کر دیا گیا ہے۔ بچے بارش سے بننے والے جوہڑ کے قریب کھیل رہے تھے۔