لاہور(کلچرل رپورٹر) سٹیج اداکارہ نادیہ علی نے کہا ہے کہ میرے مقابلہ کی کوئی اداکارہ ہے تو سامنے آئے میں اپنے منہ میاں مٹھو بننے والی نہیں شائقین مجھے نمبر ون کہتے ہیں‘ فلموں میں کام کیلئے سٹیج کے مقابلے میں زیادہ محنت کرنا پڑتی ہے۔ سٹیج پر میں نے ہمیشہ شائقین کی امنگوں کے مطابق کام کیا ہے اور کبھی بھی فحاشی کا سہارا لیکر آگے نہیں بڑھی بلکہ میرے ڈانس کی وجہ سے شائقین مجھے نمبر ون قرار دیتے ہیں۔ میں فلموں میں بھی کام کرتی ہوں لیکن میں نے یہ دیکھا ہے کہ فلموں میں کام کیلئے سٹیج ڈراموں کے مقابلہ میں زیادہ محنت کرنا پڑتی ہے۔