یاماہا موٹرپاکستان نے نیا ماڈل متعارف کرا دیا

لاہور(کامرس رپورٹر) یاماہا موٹر پاکستان نے مقامی ہوٹل میں اپنا نیا ماڈل YB125Z اپنے ڈیلر نیٹ ورک کو متعارف کرادیا۔ یاماہا موٹر پاکستان نے آج سے دو سال پہلے پاکستان میں نئی فیکٹری کے ساتھ اپنے سفر کا آغاز کیا تھا اور پاکستان میں ایک نئے جذبے اور جدت کے ساتھ اپنے ماڈل YBR 125 اور YBR 125G متعارف کرائے تھے جو خاص طور پر نوجوانوں میں بے پناہ مقبول ہوئے ۔ آج کے نئے ماڈل YB 125Z کی بدولت اب مزید گاہک اس ماڈل سے مستفید ہو سکیںگے۔نیا ماڈلYB 125Z اپنے ہم پلہ ماڈلز کے مقابلے میں جدید ٹیکنالوجی سے آراستہ ہے، انجن بیلینسر، نئی کشادہ اور چوڑی سیٹ جس پر پوری فیملی سفر کر سکتی ہے۔