کراچی:گلستان جوہر سے مغوی لڑکی بازیاب، 2 مبینہ اغواکار گرفتار

 کراچی کے علاقے گلستان جوہرسے 2 مبینہ اغوا کار گرفتار کر کے دو دن قبل اغوا ہونے والی لڑکی کوبازیاب کرا لیا گیا۔لڑکی کا کہنا ہے کہ ملزم نے پیارکاجھانسادیا .25 ہزار روپے بھی لے کرمجھے گھر میں بند کر دیا اور مجھے بلیک میل کر کے میرے بھائیوں کو قتل کرنے کی دھمکی دی۔شاہراہ فیصل پولیس کے مطابق خفیہ اطلاع پر کارروائی کرتے ہوئے دو دن قبل اغوا ہونے والی لڑکی کو مبینہ ٹاون سے بازیاب جبکہ دو مبینہ ملزمان انس اور اسلم کوگرفتارکرلیا۔ملزم انس کا کہنا تھا کہ وہ لڑکی سے محبت کرتاہے اوروہ دونوں شادی کرنا چاہتے تھے جبکہ مغوی لڑکی نے میڈیاسے گفتگو میں کہا کہ انس اسے محبت کاجھانسا دیکر لے گیا تھا۔ایس ایچ او اسرار آفریدی کے مطابق ملزمان گلستان جوہرسے لڑکی کو لے گئے تھے۔ملزمان کے خلاف مقدمہ درج کرکے ان کے تیسرے ساتھی کی تلاش شروع کردی گئی ہے۔