ذوالفقار علی بھٹو کی انتالیسویں برسی، آج صبح پھانسی گھاٹ پر قران خوانی ہو گی

راولپنڈی (نیوزرپورٹر) پاکستان پیپلز پارٹی راولپنڈی سٹی کے زیر اہتمام بانی چئیر مین شہید ذوالفقار علی بھٹو کی انتالیسویں برسی آج چار اپریل کو عقیدت و احترام سے منائی جائے گی۔ سابقہ ڈسٹرکٹ جیل کے مقام پھانسی گھاٹ پر شہید ذوالفقار علی بھٹو کی انتالیسویں برسی کا باقاعدہ آغاز صبح نو بجے قران خوانی سے ہو گا ٹھیک بارہ بجے تلاوت کلام پاک اور محفل نعت ہوگی۔ بعد ازاں اجتماعی دعا کی جاے گی اور بھٹو لنگر تقسیم کیا جاے گا۔ برسی کی تقریب میں پارٹی کی ذیلی تنظیمیں پیپلز یوتھ پی ایس ایف لائرز فورم شعبہ خواتین ٹریڈر سیل لیبر ونگ اقلیتی ونگ وارڈ کمیٹیوں کے عہدداران اور ٹکٹ ہولڈر اپنے اپنے جلوسوں کی شکل میں میں شریک ہونگے۔ پیپلز پارٹی پنجاب کے صدر قمر الزمان کائرہ نے ڈویژنل تنظیم اور جڑواں شہروں اور تحصیلوں کی تنظیموں کے عہدداران کو ہدایت جاری کی وہ پھانسی گھاٹ کی تقریب میں بھرپور شرکت کریں۔