لاہور(آئی این پی)دورہ آئرلینڈاورانگلینڈکے کیمپ کیلئے قومی کھلاڑیوں کے نام فائنل کرلیے گئے ہیں ۔ ذرائع کے مطابق 25رکنی ابتدائی کھلاڑیوں میں فوادعالم اورمحمدحفیظ کی واپسی ہوگی جب کہ راحت علی، محمدعامر اورسعدعلی کوبھی کیمپ میں طلب کرنیکافیصلہ کیا گیا ہے ،نوجوان کھلاڑیوں فہیم اشرف اورشاہین شاہ آفریدی کوبھی کیمپ میں طلب کیاجائیگا۔قومی کرکٹ ٹیم کا کیمپ 8 اپریل سے لگے گا، پاکستان آئرلینڈ کے خلاف واحد ٹیسٹ 11 مئی کو کھیلے گا جبکہ انگلینڈ کیخلاف2ٹیسٹ میچز 24مئی اوریکم جون کوکھیلے جائیں گے۔