لاہور (خصوصی رپورٹر) الائیڈ سکولز گرلز کیمپس باغبانپورہ کی طالبات اور اساتذہ نے نظریۂ پاکستان ٹرسٹ کے پاکستان آگہی پروگرام کے سلسلہ میں ایوانِ کارکنانِ تحریکِ پاکستان شاہراہِ قائداعظم اور مائی قائداعظم ہائی سکول ملتان روڈ گوپے رائے کی طالبات واساتذۂ کرام نے ایوانِ قائداعظم، -1شاہراہِ نظریۂ پاکستان جوہر ٹائون کا مطالعاتی دورہ کیا اور تحریک پاکستان کی تصویری گیلریز بھی دیکھیں۔ دریں اثناء موبائل نظریاتی تعلیمی یونٹس نے گورنمنٹ شیخ سردار گرلز ہائر سیکنڈری سکول علامہ اقبال روڈ گڑھی شاہو‘ الحاوی ہائی سکول گلی نمبر 35‘ مصطفی آباد لاہور کینٹ‘ گورنمنٹ بوائز عارف ہائر سیکنڈری سکول مصطفی آباد، فرقان ماڈل ہائی سکول قاضی پارک شاہدرہ ٹائون‘ اقراء روضۃ العلم اسلامک سکول قاضی پارک شاہدرہ ٹائون کا وزٹ کیا۔ مستفید ہونے والے اساتذہ اور طلبہ کی مجموعی تعداد 499تھی۔