لاہور(نامہ نگار+نمائندہ خصوصی) ڈیفنس اورفیصل ٹاؤن سے 4ڈکبت گینگز گرفتار۔ ایس ایچ اوفیصل ٹاؤن انسپکٹر حماد اختر کی سربراہی میں پولیس ٹیم نے چھاپہ مار کرڈکیتی کی درجنوں وارداتوں میں ملوث احمدڈکیت گینگ کے سرغنہ احمد اور اس کے ساتھی آصف مسیح کو گرفتار کر کے ا ن کے قبضے سے لاکھوں روپے مالیت کے طلائی زیورات،63ہزار روپے نقدی،دو موٹرسائیکلیں،چار موبائل فون ،دو پسٹل اور گولیاں برآمدکر لی ہیں ۔ملزمان ریکارڈیافتہ اور متعدد مقدمات میں پولیس کو مطلوب تھے ہیں۔علاوہ ازیں ڈیفنس سرکل میں گھروں،دکانوں اور شارع عام پر لوٹ مار کرنے والے 3 گینگز گرفتار ڈاکوؤں سے 20 لاکھ کے قریب نقدی،جیولری اوراسلحہ برآمد، ڈی ایس پی ڈیفنس سرکل قیصر مشتاق کا کہنا ہے کہ ملزمان اسلحہ کے زور پر اہل خانہ کو گھر میں گھس کر یرغمال بنا کر لوٹ لیتے تھے ، ڈیفنس سی انوسٹی گیشن انچارج اکمل خالد اور پولیس ٹیم نے جدید ٹیکنالوجی کا استعمال کرتے ہوئے3 گینگز کے 6 ملزمان کو گرفتار کیا ہے ملزمان نے 30 سے زیادہ ورداتوں کا انکشاف کیا ہے۔