لاہور(سپورٹس رپورٹر+نمائندہ سپورٹس) 58 ویں نیشنل امیچور گالف چیمپیئن شپ آج سے گیریژن گالف کورس میں شروع ہوگی جو چار روز تک جاری رہے گی ۔چار روز تک جاری رہنے والی چیمپیئن شپ میں ملک بھر سے بڑی تعداد میں نامور امیچورز گالفرز جن کا ہینڈی کیپ 7 اور اس سے کم ہے مقابلوں میں شرکت کرینگے۔ ٹورنامنٹ میں امیچورز کے علاوہ لیڈیز، سینئر امیچورز، صوبوں کی انٹر ایسوسی ایشن ٹیمز کے درمیان بھی مقابلے ہونگے۔ ڈاکٹر علی حیدر کو ٹورنامنٹ ڈائریکٹر بنایا گیا ہے۔