میرپورخاص(بیورو رپورٹ)آل پرائیویٹ اسکولز مینجمینٹ ایسوسی ایشن کے ریجنل صدر فیصل خان زئی سینئر نائب صدر غضنفر علی خان محترمہ شہناز حمید، محمد مسعود عباس ،محترمہ نبیلہ جلیل ،عمر فاروق قریشی، غلام مصطفی بھگیو، مجتبی لغاری و دیگر عہدیداران نے روزنامہ جنگ دی نیوز اور جیو نیوز فیملی کے سربراہ اور معروف صحافی میر جاوید رحمن کے انتقال پر گہرے دکھ اور دلی تعزیت کا اظہار کیا ہے اور کہا ہے کہ مرحوم جاوید رحمن اپنے والد محترم میر خلیل الرحمن مرحوم جیسی عظیم صحافتی تحریک کے علمبردار تھے اور مرحوم نے سخت ترین حالات میں اپنے قلم سے پاکستان کی سربلندی کا علم بلند رکھا انہوں نے روزنامہ جنگ اور جیو نیوز کے ایڈیٹر انچیف میر شکیل الرحمن سے تعزیت کرتے ہوئے مرحوم کے بلندی درجات اور پسماندگان کے لئے صبر جمیل کی دعا کی اور کہا کہ یہ دنیا بھر میں موجود صحافی برادری کے لئے عظیم نقصان ہے۔