حافظ آباد(نمائندہ نوائے وقت)پیپلز پارٹی کے زیر اہتمام یہاں راجہ چوک کے قریب چوہدری محمد یٰسین سندھو کی رہائشگاہ پر شہید ذوالفقار علی بھٹو کی سالانہ برسی کے موقع پر دعائیہ تقریب منعقد ہوئی ۔جس میں شہید ذوالفقار علی بھٹو کی روح کو ایصال ثواب کے لئے قرآن خوانی و فاتحہ خوانی کی گئی ۔ اس موقع پر پی پی پی کے ضلعی سیکریٹری اطلاعات سید مصدق حسین غزنوی نے کہا کہ بھٹو شہید جیسی شخصیات صدیوں بعد پیداہوتی ہیں۔ بھٹو ایک نظریہ اور فلسفہ کا نام ہے۔