لاہور (سپورٹس ڈیسک )آئی سی سی امپائر نیتن مینن نے کہا ہے کہ میچ کے دوران کھلاڑیوں کی طرح امپائرز بھی دبائوہو تا ہے ۔ بھارت اور انگلینڈ کے درمیان سیریز میں خدمات سرانجام دینے والے امپائر نے مزید کہا کہ کوشش ہوتی ہے اپنی طرف سے میچ کے دوران بہترین فیصلے کریں جس پر کوئی اعتراض نہ کرسکے ۔ میرے گزشتہ دو ماہ بہت اچھے تھے ۔ اس وقت خوشی ہوتی ہے جب لوگ اچھے کام کی تعریف کرتے ہیں ۔ انگلینڈ اور بھارت کے درمیان ٹیسٹ سیریز بھی ہمارے لئے بڑی چیلنجنگ تھی ۔کھلاڑیوں کی طرح امپائرز کی بھی فارم ہوتی ہے ‘جب اچھی فارم میں ہوتے ہیں تو بغیر کسی وقفہ کے کام کرتے ہیں ۔ کرونا کے دوران مشکلات کا سامنا کرنا پڑرہا ہے کیونکہ سب لوگ ہوٹل تک محدود ہو کر رہ جاتے ہیں۔