کوٹ ادو (خبر نگار) مذہبی رسومات کے دوران نامعلوم افراد کا چرچ پر پتھراؤ،پتھر لگنے سے چرچ کی کھڑکیوں اور روشن دانوں کے شیشے ٹوٹ گئے، تفصیل کے مطابق کوٹ ادو کے نواحی چوک سرور شہید کے چک نمبر 571 ٹی ڈی اے میں موجود سینٹ مائیکل چرچ میں گزشتہ روز اڑھائی بجے دن کرسچن برادری کی ہفت روزہ مذہبی رسومات جاری تھی کہ اسی اثنا میں نامعلوم افراد نے چرچ پر پتھر مارنے شروع کر دیے جس سے چرچ کی کھڑکیوں اور روشن دانوں کے شیشے ٹوٹ گئے،چرچ میں موجود کرسچن برادری کے باہر آنے پر ملزمان فرار ہو گئے، پولیس چوک سرور شہید نے سینٹ مائیکل چرچ کے مہتمم یوسف مسیح کی مدعیت میں نامعلوم کے خلاف مقدمہ کے تحت درج کرکے نامعلوم ملزمان کی تلاش شروع کر دی ہے