کراچی(نیوز رپورٹر)پاکستان کے سابق وزیر اعظم اور پیپلز پارٹی کے بانی شہید عوام ذوالفقار علی بھٹو کی آج 43 ویں برسی کراچی سمیت دنیا بھر میں منائی جارہی ہے جنہیں 4 اپریل 1979 کے ایک عدالتی فیصلے کے نتیجے میں تختہ دار پر چڑھا دیا گیاتھا۔شہید عوام ذوالفقار علی بھٹو کی43 ویں برسی کے موقع پر سندھ حکومت کی جانب سے صوبے بھر میں عام تعطیل کا اعلان کیا گیا  اور صوبائی حکومت کے ماتحت چلنے والے خودمختار و نیم خود مختار ادارے، اور مقامی کونسلوں کے دفاتر بند رہیں گے۔بانی پیپلزپارٹی کی برسی کے موقع پر گڑھی خدا بخش میں تعزیتی جلسہ منعقد کیا جائے گا ۔