سینٹ اجلاس میں قومی کرکٹ ٹیم کے کپتان بابر اعظم کی انگریزی کا تذکرہ 

اسلام آباد (نوائے وقت رپورٹ) پاکستان کرکٹ ٹیم کے کپتان بابر اعظم کی انگریزی کا تذکرہ سینیٹ اجلاس میں بھی ہوا۔سینیٹ کے اجلاس میں جماعت اسلامی کے سینیٹر مشتاق احمد نے اردو کو بطور قومی زبان قرار دیے جانے سے متعلق تحریک ایوان میں پیش کی۔بابر اب تک پاکستان کا بڑا برانڈ نہیں بن سکا کیونکہ اسے بولنا نہیں آتا: شعیب اخترسینیٹر مشتاق احمدکا کہنا تھا کہ بابر اعظم کرکٹ کی دنیا کا برانڈ ہے، شعیب اختر کہتے ہیں کہ بابراعظم انگلش نہیں بول سکتا اس لیے اسٹار نہیں بن سکا۔سینیٹر مشتاق احمد نےکہا کہ پاکستان کے آئین کے مطابق اردو کو سرکاری زبان کا درجہ دیا گیا ہے، سپریم کورٹ نے اردو کو سرکاری زبان قرار دینے کا فیصلہ کیا، اردو کو سرکاری زبان قرار اور تمام دفاتر میں اردو زبان رائج کی جائے، عدلیہ اپنے فیصلے اردو میں صادر کرے۔پیپلز پارٹی کے سینیٹر تاج حیدر کا کہنا تھا کہ اردو کو سرکاری زبان رائج کیے جانے سے متعلق مشترکہ کمیٹی بنائی جائے، اردو کو سرکاری زبان رائج کرنا احسن اقدام ہوگا۔